Maxsus imkoniyatlar

buxdu.uz

Iqtisodiyot va turizm fakulteti

buxdu.uz-Buxoro Davlat Universiteti
Dekan

IBRAGIMOV NUTFILLO SALIMOVICH

svg Dekan (fan doktori yoki professor ilmiy unvoniga ega bo`lgan)
svg Iqtisodiyot va turizm fakulteti
svg ibragimov.nutfillo@mail.ru
buxdu.uz-Buxoro Davlat Universiteti
buxdu.uz-Buxoro Davlat Universiteti
buxdu.uz-Buxoro Davlat Universiteti
buxdu.uz-Buxoro Davlat Universiteti
buxdu.uz-Buxoro Davlat Universiteti
buxdu.uz-Buxoro Davlat Universiteti
buxdu.uz-Buxoro Davlat Universiteti
buxdu.uz-Buxoro Davlat Universiteti
buxdu.uz-Buxoro Davlat Universiteti
calendar 20.10.2026

Iqtisodiyot va turizm fakulteti

BUXORO DAVLAT UNIVERSITETI

Iqtisodiyot va turizm fakulteti

Iqtisodiyot, biznes, boshqaruv, raqamli iqtisodiyot, moliya va turizm sohalari uchun raqobatbardosh kadrlar tayyorlash, innovatsion tadqiqotlarni rivojlantirish hamda xalqaro akademik hamkorlikni kengaytirishga yo‘naltirilgan fakultet.

1996-yildan tarixga ega Xalqaro ta’lim hamkorligi Turizm va innovatsiyalar
3 201
Talabalar
88
Professor-o‘qituvchilar
910+
5 yildagi ilmiy maqolalar
166+
Ilmiy faoliyatga jalb qilingan iqtidorli talabalar

Fakultet haqida

Iqtisodiyot va turizm fakulteti Buxoro davlat universitetining iqtisodiyot, tadbirkorlik, boshqaruv, turizm va xizmat ko‘rsatish sohalari uchun yuqori malakali mutaxassislar tayyorlovchi tarkibiy tuzilmasidir. Fakultetning ildizlari 1996-yilda tashkil etilgan Iqtisodiyot fakultetiga borib taqaladi.

Fakultetda ta’lim, ilm-fan va amaliyot integratsiyasiga, xalqaro hamkorlikka, ilmiy-innovatsion loyihalar hamda talabalar va professor-o‘qituvchilarning akademik mobilligiga alohida e’tibor qaratiladi.

FAKULTET RAHBARIYATI

Ibragimov Nutfillo Salimovich

Fakultet dekani — iqtisodiyot fanlari doktori, professor.

2025-yil yanvar oyidan Iqtisodiyot va turizm fakultetiga rahbarlik qilib kelmoqda.

Fakultet tarixi

1996-yil — Iqtisodiyot fakulteti

Fakultet Iqtisodiyot fakulteti sifatida tashkil etilgan. Turli yillarda B.N. Navro‘zzoda, D.Q. Durdiyev, H.O. Raxmonov, M.A. Oripov va A.T. Jo‘rayevlar rahbarlik qilgan.

2014-yil — Ijtimoiy-iqtisodiy fakultet

Rektorning 2014-yil 25-avgustdagi 256-U-son buyrug‘iga asosan Iqtisodiyot va Tarix fakultetlari birlashtirilib, Ijtimoiy-iqtisodiy fakultet tashkil etilgan.

2016-yil — Iqtisodiyot va turizm fakulteti

2016-yil 31-dekabrdagi 531-U-son rektor buyrug‘i asosida Iqtisodiyot va turizm fakulteti tashkil etilgan. Fakultetga dotsent Abror Turobovich Jo‘rayev rahbarlik qilgan.

2025-yildan — Zamonaviy rivojlanish bosqichi

Fakultetga iqtisodiyot fanlari doktori, professor Nutfillo Salimovich Ibragimov rahbarlik qilmoqda.

Ta’lim yo‘nalishlari va mutaxassisliklar

Fakultetda bakalavriat va magistratura bosqichlari uchun iqtisodiyot, biznes, menejment, moliya va turizmga oid ta’lim dasturlari mavjud. Batafsil ro‘yxatni quyidagi bo‘limlardan ko‘rish mumkin.

Bakalavriat — 12 ta yo‘nalish
IQTISODIYOT VA BIZNES
60410100 — Iqtisodiyot
60310500 — Raqamli iqtisodiyot (tarmoqlar va sohalar bo‘yicha)
60410900 — Biznesni boshqarish
60412400 — Agrobiznes va investitsion faoliyat
60411200 — Marketing
60410800 — Menejment
MOLIYA, LOGISTIKA VA TURIZM
60411000 — Inson resurslarini boshqarish
60410500 — Moliya va moliyaviy texnologiyalar
61010400 — Logistika
61010100 — Turizm va mehmondo‘stlik
61010400 — Turizm (faoliyat turlari bo‘yicha)
61010100 — Mehmonxona xo‘jaligini tashkil etish va boshqarish
Magistratura — 6 ta mutaxassislik
71010401 — Turizm (faoliyat turlari bo‘yicha)
71010403 — Ziyorat turizmi
70411201 — Menejment (tarmoqlar va sohalar)
70410201 — Buxgalteriya hisobi
70410102 — Bioiqtisodiyot
70410106 — Iqtisodiyot

Ilmiy tadqiqotlar va innovatsiyalar

Ilmiy nashrlar

Keyingi besh yil davomida fakultet olimlari xalqaro va respublika ilmiy jurnallarida 910 dan ortiq ilmiy maqola chop etgan.

Iqtidorli talabalar

166 dan ortiq talaba ilmiy-tadqiqot ishlariga jalb etilgan va ularning izlanishlari qo‘llab-quvvatlanmoqda.

Amaliy tadqiqotlar

2018–2020-yillarda OT-A-QX-2018-22 loyihasi doirasida Buxoro viloyatida chorvachilikning iqtisodiy samaradorligini oshirish masalalari tadqiq etilgan.

INNOVATSION ILMIY LOYIHA

InclUz — inklyuziv turizm uchun raqamli yechim

Fakultet dekani N.S. Ibragimov rahbarligida nogironligi bo‘lgan shaxslar uchun inklyuziv turizm infratuzilmasining interfaol xaritasi va “InclUz” mobil ilovasini yaratish loyihasi amalga oshirilmoqda.

Interfaol xarita

Turizm infratuzilmasi va moslashtirilgan xizmatlarni xaritada aks ettirish.

Qulay xizmatlar

Jismoniy imkoniyati cheklangan foydalanuvchilar uchun turistik xizmatlar.

Raqamli marketing

Xizmatlarni diversifikatsiya qilish va loyihani tijoratlashtirish istiqbollari.

XALQARO SIFAT E'TIROFI

UN Tourism TedQual xalqaro akkreditatsiyasi

Buxoro davlat universitetining turizm ta’lim dasturlari UN Tourism TedQual xalqaro akkreditatsiyasi doirasida tan olingan. Bu universitetda turizm ta’limining xalqaro sifat mezonlariga mos rivojlanayotganini ko‘rsatuvchi muhim natijadir.

TedQual dasturlari ro‘yxati →
O‘ZBEKISTON — YAPONIYA HAMKORLIGI

BuxDU–Vakayama turizm ta’limi va tadqiqotlari markazi

BuxDU va Yaponiyaning Vakayama universiteti o‘rtasida 2018-yil 16-aprelda hamkorlik shartnomasi imzolangan. Shu yilning o‘zida fakultet qoshida qo‘shma turizm ta’limi va tadqiqotlari markazi tashkil etilgan.

Ta’lim resurslari

O‘quv materiallari va ma’lumotlar almashinuvi

Akademik mobillik

O‘qituvchilar va tadqiqotchilar almashinuvi

Talabalar almashinuvi

Qo‘shma o‘quv va tajriba almashish imkoniyatlari

Qo‘shma tadqiqotlar

Ilmiy izlanishlar va hamkorlikdagi loyihalar

Hamkorlik tarixini batafsil ko‘rish

2018-yil: Hamkorlik shartnomasi imzolandi va BuxDU–Vakayama turizm ta’limi va tadqiqotlari markazi tashkil etildi.

2019-yil 17–20-aprel: A.T. Jo‘rayev Vakayama universitetiga tashrif buyurib, hamkorlikni kengaytirish bo‘yicha muzokaralar olib bordi.

2023-yil 30-noyabr: Kazue Nakamoto boshchiligidagi Yaponiya delegatsiyasi tashrif buyurdi. Markaz faoliyati va TedQual jarayonida hamkorlikni davom ettirish masalalari muhokama qilindi.

Xalqaro va respublika hamkorligi

Xorijiy hamkorlar

Valensiya politexnika universiteti, Bratislava Komenskiy universiteti, Vatel mehmonxona menejmenti maktabi, Qozon federal universiteti, Santyago-de-Kompostela universiteti, Bryussel erkin universiteti va boshqa Yevropa hamda Osiyo ilmiy-ta’lim muassasalari.

Mahalliy hamkorlar

O‘zbekiston Milliy universiteti, Toshkent davlat iqtisodiyot universiteti, Samarqand davlat universiteti va Samarqand iqtisodiyot va servis instituti bilan ilmiy, ta’limiy va malaka oshirish yo‘nalishlarida hamkorlik olib boriladi.

Xalqaro hamkorlik natijalari va boshqa loyihalar

2011–2021-yillar: TEMPUS va Erasmus Mundus dasturlari doirasida 38 ga yaqin talaba xorijiy universitetlarda tahsil olib qaytgan, 17 dan ortiq tadqiqotchi va 12 nafar professor-o‘qituvchi ilmiy izlanishlarda qatnashgan.

Ilmiy kongresslar: Fakultet vakillari INCSOS–2018, Society of Ambient Intelligence 2020 va 2021 xalqaro kongresslari tashkilotida ishtirok etgan.

Talabalar muvaffaqiyati: 6 nafar iqtidorli talaba BMTning O‘zbekistondagi vakolatxonasi tashkil etgan tanlovlarda g‘oliblar safidan o‘rin olgan.

Xalqaro doktorantura: Ziyodulla Nurov Italiyaning Akvila universitetida professor Luidji Bidjiero va Abror Jo‘rayev ilmiy rahbarligida PhD dissertatsiyasini himoya qilgan.

Akademik tajriba almashish: Madrid masofaviy ta’lim universiteti, Adam Mitskevich universiteti va Santyago-de-Kompostela universiteti kabi muassasalar bilan aloqalar yo‘lga qo‘yilgan.

Xalqaro akademik mobillik

Turizm va mehmonxona xo‘jaligi kafedrasi xodimlarining xorijiy oliy ta’lim muassasalarida malaka oshirish, ilmiy stajirovka va doktorantura faoliyati.

23
Manbadagi mobillik qaydlari
Xorijiy stajirovkalar va doktorantura ro‘yxatini ko‘rish

Jadvaldagi ayrim xodimlar bir nechta safarda qatnashgan. Ro‘yxat 23 ta alohida mobillik qaydidan iborat.

№ Xodim Davlat / OTM Davr
1Djafarova NiginaJanubiy Koreya — Pusan milliy universiteti (GKS)2021–2025
2Bozorova Sitora KodirovnaTurkiya — Anadolu universiteti (Turk Burslari)2022–2027
3Radjabov Odil OlimovichSlovakiya — Komenskiy universitetiFevral–may 2024
4Farmanov Erkin AlimovichSlovakiya — Jilina universitetiFevral–may 2024
5Fayzieva Sayyora QudratovnaRossiya — Sankt-Peterburg politexnika universitetiMay 2024
6O‘roqova Dilfuza BahriddinovnaRossiya — Sankt-Peterburg politexnika universitetiMay 2024
7Azimov Otabek XudoyberdievichRossiya — Sankt-Peterburg politexnika universitetiMay 2024
8Toyirova Sarvinoz AtoyevnaIspaniya — Valensiya politexnika universitetiMay–iyun 2024
9Dushanova Yulduz Faxriddin qiziIspaniya — Valensiya politexnika universitetiMay–iyun 2024
10Farmanov Erkin AlimovichSlovakiya — Jilina universitetiIyun 2024
11Radjabov Odil OlimovichSlovakiya — Komenskiy universitetiIyun 2024
12Yuldashev Kamol SharipovichShveysariya — Bern federal kasb-hunar ta’limi universitetiIyun 2024
13Xayrullaeva Nilufarbegim Nematillo qiziSlovakiya — Bratislava Komenskiy universitetiOktabr 2024
14Qilichov Muhriddin Husniddin o‘g‘liSlovakiya — Bratislava Komenskiy universitetiOktabr 2024
15Farmonov Erkin AlimovichSlovakiya — Bratislava Komenskiy universitetiOktabr–dekabr 2024
16Toyirova Sarvinoz AtoyevnaBuyuk Britaniya — Lankaster universitetiOktabr–noyabr 2024
17Dushanova Yulduz Faxriddin qiziBuyuk Britaniya — Lankaster universitetiOktabr–noyabr 2024
18Haydarova Dilora IxtiyorovnaIspaniya — Valensiya politexnika universitetiNoyabr–dekabr 2024
19Kadirova Shafoat HabibulloevnaIspaniya — Valensiya politexnika universitetiNoyabr–dekabr 2024
20Davronov Istamxo‘ja OlimovichIspaniya — Valensiya politexnika universitetiNoyabr 2024 – yanvar 2025
21Yuldashov Kamol SharifovichIspaniya — Valensiya politexnika universitetiNoyabr 2024 – yanvar 2025
22Alimova Shaxnoza OktyamovnaIspaniya — Valensiya politexnika universitetiNoyabr 2024 – yanvar 2025
23Radjabov Odil OlimovichIspaniya — Valensiya politexnika universitetiNoyabr 2024 – yanvar 2025

Fakultetning strategik yo‘nalishlari

Sifatli ta’lim

Iqtisodiyot va turizm sohalari uchun zamonaviy bilim va kasbiy ko‘nikmalarga ega mutaxassislar tayyorlash.

Innovatsiya va ilm-fan

Amaliy tadqiqotlar, inklyuziv turizm va raqamli xizmatlar bilan bog‘liq loyihalarni rivojlantirish.

Xalqaro integratsiya

Xalqaro akkreditatsiya, akademik mobillik va qo‘shma ta’lim hamkorligini kengaytirish.

Kafedralar

Resurslar